یا موطني بقلم شاعرها الوطني ابو امجد الحيدري

قصيدة شعرية باللهجة الشعبية تحت عنوان يا موطني من الشاعر الوطني الاحوازي حميد جبر الحيدري (ابو امجد) موجهة الى الاحوازيين في المهجر هولاء الذين يخرجون من الاحواز و باسم الوطن يحصلون على ما يريدون و من ثم ينسونه دون ان يقدمون له اي شي فبهذه القصيدة يعاتبهم بلسان الوطن الجريح و يطالبهم بالعمل من اجله حتى اعادة العزة اليه .

یا موطنی ابحگ الشباب الضحت ابدمهه الك ارد اسئلك..

واكشف اسرارک يا وطن و اسمع سوالف عن هلك..

وارد اسالك ليش اليحبك بلچذب بس بلسان ايحن الك..

وارد اسالك يا موطنى شنهي السبب يترك الحبك

بلصدگ و يرافج الكل عاذلك..

وارد اسالك هو العشگ هم بيه دغش يا موطنى..؟

واليحبك بس طلع فره الهوى فرت الفلك..

چا هو طلع مو لجل طيبك يا وطن يتعب عليك ايدللك..

من چان يمك يا وطن سالى المحن و ورود جورى ايشتلك...

او لو شاف وجهك بيه كدر من القهر ببدور ربعه ايجملك...

اوما تغفه عينه للفجر ویه النجم گاضي العمر

ليل و نهار ايهملك

رغماَ علی اخشوم العده يجمل قصيده امهنىه

بشعار تخصه ايجللك....

او لو شاف لثگات الهظم دنسن ثوبك بلظلم بدموم نحره ايفسلك...

مو لجل خاطر هيبتك يتنخه دوم ابشيمتك بسيوف عزمه ايكر لك..

موش ارتوه وصار و ربه ابهاى الارض او من زود عزك يا وطن عزه  امتلك...

جامن گصد قاد و وصل او ميليار دولار الملك

يا موطني شنهو السبب

ماحن الك....

و ارد اسالك چا من ترب كاس الخمر بيه ومکر..

ما يذكر اطفال الوطن چم واحد ابواحد هلك ....

و ارد اسالك من تاجر ابدم الشعب..

وكسب وادروب ما تنفع سلک..

ما صح وفی لو عاطفی ویرد علیه اشبدلک...

حچیی لون یوصل الک ویه الطروش ارسل الک...

یلململت حال الوطن ریت ابمحن هذا الشعب..

رب الکریم ایململک....

الشاعر

حميد جبر الحيدرى (ابو امجد)

ناشر القصيده عباس الأحوازي