في حق قدوتنا الاسيرة الماجدة فهيمه البدوي للشاعر فاضل الأحوازي

ذرة خجل...

جيبولي الخجل خلوني اخجل حيل

و جيبولي النده،ندو جبيني

يا ذرة خجل وين انا الاگیچ؟

دخيلچ بس تعای وخجلینی

شیله اطيني البس وسكن البيت

وبزيت ودهن زين ادهنيني

جنطه وعلچتف ولون وردي

وبديرم شفاتچ مکیجینی

اتركوهه المراجل للقوارير

الفهيمه لوگلت لاتنكريني

فهیمتنه بسجن تتحده الاعداء

وانا بدگ ورگص ضاعت سنيني

اچورف بلخمرلیل ونهاری

وصيح ام الهوى لاترحميني

بیعاری صرت والدم ثلج صار

ایا نار الضمایرولعینی

تصُح بعض الزلم ماتسوى فلسين

وانا منهم بعد هم احسبيني

شگولن یا فهیمه اشلون اجازيچ؟

یاگاع افتحی گبری وخذيني

ياخويه الخجل ماينفع اوياي

وانا الميت وگولن موتینی

ما ادري العدو شنهو العمل بيچ؟

الف فکره تداهمني وتجيني.

الف فکره تداهمني وتجيني.

فاضل الاحوازي..نموت ويحيى الوطن