هوسات واهازيج أحوازيه بقلم شاعرها فاضل الاحوازي

علگونه اعله المشانق والمشانق هلهلت

صاحت اهلاً بلنشامه يوم بينه اتعرفت

عرفت احنه احوازيين،ركعت النه ودنجت

گالت وياهم علگوني
گالت وياهم علگـوني

..................................................

اسلخ جلد من جلدك وجعل ورق من عده

وكسر عظم من ضلعك وصنع قلم بس حده

خلي الحبر من دمك واكتب غصب وتحده

احوازي اصلي وعيب ايراني
احوازي اصلي وعيب ايراني
   .................................................

الو طگگك زمان العوز وشفت اعداك يتمادون

اسلت سيفك البتار و چفي الدله والماعون

 دمرهم جنايز  كون ورميهم وسط كارون

  اوخل يشبع بيهم بنينه
خل يشبع بيهم بنينه

 .................................................

هلهل يا تفگ هلهل ،، هوسلك الف هوسه

ورمي فشگك المخزون وطبع بالصدر بوسه

العب بالعدو طوبه ،تحت اجدامك ودوسه

ولعن تاريخه واسلافه
ولعن تاريخه واسلافه

..................................................

احنه ما خفنه المشانق،احنه كملنه الطريج

اومن يجي اسم الوطن،نسكر،اندوخ ونهيج

خلهه تكبر خلهاتصغر خلهه لورادت تضيج

 للموت انوسع ميدانه
للموت انوسع ميدانه

....................................................

يسألــوني الخلگ من وين مايدرون؟

مايدرون من احوازوعروگي بنهركارون

عربي ولكرم طبعي،سيف وچفي الماعون

اومن حاتم وارث اطباعي
من حاتم وارث اطباعي

.....................................

انت ابن عيلام صنديد الرجال

التحده الموت و ساحات القتال

بيدسيف و بيد فنجان و دلال

او ماينفع غير جيدومه
ماينفع غيرك جيدومه

.....................................

تاريخ ويظل بلبال يوم اخمسطعش نيسان

كل داير سنه ابهليوم لازم نشعل الميدان

نتحزم نريد الموت ونفلش حكم طهران

محتل ونطرده الگيعانه
محتل ونطرده الگيعانه

................................................

لوبديت اعلى المجالس خل گعدتك كالرئيس

خل چلمتك تفگه ترمي مثل برنو من تجيس

خلك أمأدب مهذب تصبح اطيب كل جليس

وتشيلك تاج البدايه
وتشيلك تاج البدايه

.................................................

فاضل الاحوازي..نموت ويحيى الوطن