لعد طرت الفجر ناخذني حسبات
عمر یبدن علی وی چلت الاغروب
ثلثین العمر طافن بل أوهام
و حسبات الوکت ما غیرن إسلوب
أنا و شوگی و حنانی و آخ و اهات
هجر، دمع و حزن و الیل مچلوب
اوج روحي شمع من یجبل الیل
و أضل اگطر عشگ من کثر ماذوب
سکر بیه العشگ و آنه أسکرت بیه
او ثملنه إثنینه او من غیر مشروب
روحی إتعلگت بلعلم و البان
او بیه خضرن حسرات یعگوب
حبیبی إبعید عنی و آنه ملهوف
الشم إتراب جدمه و خطره الادروب
الوصل چود الوصل و الحیل تعبان
کیف ایکون وصله العمره متعوب
لا اگدر أعوفه و لگدر أسلاه
لأن إسمه حفر بحشای مکتوب
حبیبی یختلف عن کل الأحباب
و لا مثله انوجد بلکون محبوب
حبیبی الطول آیه و الوجه نور
سور لفظه و کلامه، ثغره حالوب
خلفته مرحمه من رب الأکوان
و ذچر اسمه أجر و یکفر الاذنوب
احمد لو گلت تأخذنی الاشواق
و محمد(ص) لو گلت ترتاح الاگلوب
من چانت أهلنه اتقدس الأصنام
و دینهم جهل وادور مگلوب
او من چان القوی غالب علی الناس
و کل عمره الضیف ایعیش مغلوب
او من چان الغني ابدنیاه مرتاح
و ابوجه الفقیر امسکره البوب
و طعم ضحک الفراهه ایخص الارجال
و دمع عین النثایه إدموع مسچوب
و قوانین البدواه أحساب غابات
ناهب هذ هاذ ، وذاک منهوب
او من چانت إهلنه عایشه أعراب
تنثر حب کفرهه و تحصد اذنوب
القیاصر و الاکاسر تحکم الگاع
و ذچر رب العرش علناس مسلوب
الطغات اتحکمت بامر الشیاطین
و کناب الحگ ، حقد بلنار مذنوب
معرومه العداله و المساوات
و الطالب علیهه ، ایعیش مطلوب
إنولد نور الهدی ابضل ذیچ الاظروف
محمد(ص) للنبی أبراهیم منسوب
ابمیلاده المعاجر عمّت الگاع
اومن ذچره الطغات ابطونهه اتروب
قیصر بلمنام ایشوف کابوس
او من روئیت منامه ایعیش مرعوب
بحیرة ساوه جفت حین ما صار
وانطر طاق کسری وعاش معیوب
جدع کاس الیتم من ساعه اصیاه
ورضع صدر الصحاري وعاش مرتوب
دخل حلف الفضول من أجل الاصلاح
ابشبابه و هوّه الافضل کان محسوب
لکن بربعینه نال علیاه
وصبح تاج النبوّة أبراسه منصوب
«إقرا باسم ربّک» گلّه جبریل
انته إمن العرش لنّاس مندوب
بِث فکر الرسالة ونذر الناس
وکمل أخلاقهه وصلحلهه العیوب
قولو «لا اله الا الله»
او مفتاح النجه للراید ایتوب
او رفع رایت الوحده ابکل الاقطار
لم شمل الجزیره وصار مهیوب
عزز کِلمة الله هی عُلیاء
ولجل بث الرسالة خاض الاحروب
محمد من نهض ما حرر اجسام
هِدی اعگول البریة وحرر اگلوب
وحققهه العداله والمساواة
وفکرة اتفجرت بذهان الاشعوب
رسول الله بشر بس اشرف الناس
علی خلقُ عظیم ابگلب محجوب
و اهل بیت النبی کلهم میامین
و اسمهم للأبد بحشای مکتوب
و سرنه ما نبالغ من نبینه
لا کلشی النملکه من نبینه
نفخ علمه نبینه من نبینه
و جعلنه اسیاد فکره اعلی الوطیه
ليست هناك تعليقات:
إرسال تعليق